Годишната изложба на дела на Родољуб Анастасов од колекцијата на Галерија “Јустина и Родољуб Анастасов”

Станува збор за презентација на 30-ина дела од најзначајните циклуси на авторот Родољуб Анастасов, кои се дел од колекцијата на Галерија “Јустина и Родољуб Анастасов”, вредна донациска збирка која брои околу 400 дела кои потекнуваат од различни временски периоди (од 1957 до 2010) и претставува своевиден пресек на повеќе ликовни стилови и тенденции во современата македонска ликовна уметност. Овие дела се белег за автентичниот и единствен по многу особености креативен опус на Анастасов. Изложбата претставува еклектичен избор од неколку циклуси на Анастасов, слики од циклусот на кој му е најдолго посветен – “Човек и простор”, импресивните цртежи од циклуситe “Почеток”, “Делување на елементите”, “Промена на обликот”, “Трансфигурирање”, сите изведени во техника – туш на хартија, создадени во периодот помеѓу 1957 – 1960 година, и кои припаѓаат на т.н. енформелска лабораторија…

Приказни од Маргините – Ѓорѓи Јовановиќ

„Приказни од маргините“ ги истражува животите и гласовите што често се занемаруваат во општеството преку интерактивни дела што комбинираат текст, цртеж и подвижни слики. Инспирирана од седум кратки раскази од современи писатели, изложбата им дава форма и боја на искуствата на маргинализираните поединци, од социјално невидливите до еколошки и политички засегнатите. Секое дело делува како полифонична мапа, создавајќи простор каде што маргините не се само периферии, туку витални арени на општествениот, културниот и политичкиот живот. Преку визуелно раскажување приказни, изложбата повикува на размислување, емпатија и ново разбирање на светот надвор од центарот.

„Чергари, патници” – изложба на „Партизанска штампа” во Отворено графичко студио при Музеј на Град Скопје

„Чергари, патници“ е патување низ архетипите на колективната меморија со изложба на графики и книга во сито печат изработени изминатата година во студиото на Партизанска штампа. Инспирирана од традиционалната македонска орнаментика и нејзината симболика и форма, изложбата го следи патот на визуелниот јазик на културното несвесно од народниот вез до современата графика.

Современа скулптура – Друштво на ликовни уметници на Македонија

Изложбата ја отвори претседателката на Уметнички совет проф.д-р Маја Рауник Кирков и директорот на музејот на Град Скопје, проф.д-р Панче Велков. Наградата „Боро Митриќески“ ја доби Татјана Ристовска Керамика.

Скаменети потези – Аница Китаноска

Изложбата на Аница Китаноска „Скаменети потези“ ги поканува посетителите во свет каде што мозаикот и сликарството се среќаваат во совршена хармонија. Црпејќи од богатата традиција на италијанската уметност и природната убавина на Вевчани и Охридското Езеро, нејзините дела ги трансформираат минливите моменти во безвременски приказни. Секоја слика, без разлика дали е голема или мала, комбинира масло, стаклена паста и мермер за да создаде текстури што го пленат окото и душата. Изложбата е патување низ боја, светлина и емоции, од интимни шумски патеки до космички видици, кулминирајќи во маестрална игра на меморија, ритам и имагинација. Ретка можност да се доживее современата мозаична уметност во нејзиното најдобро издание.